Katua eta sagua kaiolan

Final baten atarian faborito izatea ez batere erosoa. Horrela adierazi dute behintzat Juan Martinez de Irujok eta Mikel Urrutikoetxeak, igandean Bizkaia frontoian euren neurriak neurtuko dituztenak. Bietako inork ez du presiorik jaso nahi, ezta erantzukizunik ere. Nahikoa da titulua berriz ere jasotzeak duen zailtasuna Irujorentzat, eta etxean txapela jartzea Urrutikoetxearentzat.

Katua eta saguaren jokoa hasi zuten atzo bi pelotariek materiala aukeratzean. Diruak dioenaren arabera, Iberoko aurrelariak iarabazi beharko luke. Baina apustuak oso engainagarriak direla gogorarazi du. «Diruak ez du jokatzen. Ez det uste faboritoa naizenik. Izan ere, final 60-40 batean dagoela esango nuke, Urrutikoetxearen alde», azpimarratu du Irujok.