Coldplay, Super Bowl-eko atsedenaldian

Super Bowl- eko finala, urte osoan telebistaz gehien jarraitzen den kirol ekitaldia da. Ondorioz, atsedenaldian kontzertu ikusgarria eskeintzen da. Aurten, Coldplay talde britainiarra izango da zuzenean arituko den ohorezko gonbidatua.

Ingalaterrako taldea, Santa Clarako (California) Levi's Stadiumean izango da, datorren otsailaren 7an jokatuko den partidan. Han erabakiko da, hain zuzen ere, Futbol Amerikarreko Liga Nazionaleko irabazlea.

Chris Martin abeslaria buru duen taldeak zazpi Grammy sari irabazi ditu , eta 'A head full of dreams' izenezko diska berria plazaratuko du datorren ostiralean.

Aurreko urtean, Katy Perry izan zen Super Bowleko finaleko atsedenaldian zuzenean aritu zena Phoenix Stadiumen, Arizonan. Honek, 121 milioi ikusleko audientziaren record-a eskuratu zuen.