Ramón Bareak Blas de Otero omenduko du bere 'bizitzako istorioarekin'

Poesia taula gainera eramatea emaitza bikainak ekar ditzake. Euskal aktore desberdinen ahotsek Blas de Oterok idatzitako lerroak errezitatuko dituzte, poeta bilbotarraren lana birpasatuz. Ramón Bareak idatzitako 'Historia (casi) de mi vida' antzezlanari esker, olerkariari egindako omenaldian parte hartuko du bihar bertan. Estreinaldia Azkuna Zentroko auditoriumean izango da 20.00etan, eta sarreran salgai daude dagoeneko.

Martxoaren 15ean 100 urte bete ziren Blas de Otero jaio zela. Pasa den asteartean egindako ekitaldiaz gain, Bilboko Udalak hainbat jarduera antolatu ditu euskaldunek bere testuekin goza dezaten. 1950eko hamarkadako gizarte poesiak izan zuen ahotsik azpimagarrienetakoak urte osoan zehar omenaldi batzuk izango ditu. Antolakuntzan, Udalarekin batera, idazlearen izena daraman fundazioak parte hartu du idazlearen ondarean zaintzeko asmoz.

Hau dela eta, Poesiaren Nazioarteko Egunarekin bat etorriz, bihar, martxoaren 21ean, Oteroren 'Historia (casi) de mi vida' lanean oinarrituta dagoen eta Ramon Bareak zuzendu duen antzezlana estreinatuko da Azkuna Zentroaren auditoriumean. Bertan, poeta bilbotarra «saltoak emanez arituko da, bere bizitzari eta lanari buruzko azalpenak emanez». Felipe Loza, Jose Luis Estrada, Mikel Losada eta Irene Bauk jarriko diote ahotsa poetari, eta Naiel Ibarrola marrazkilari, musikari eta jazz kritikariak musikarekin lagundu eta grafismoa egingo du. Antzerkirako moldaketa lanean Jose Fernandez de la Sota poeta bilbotarrak parte hartu du.

Ramon Barea antzezle, dramaturgo, antzerki zuzendari eta zinemagilea ehun film luze baino gehiagotan eta 50 bat film laburretan hartu du parte, horien artean, Alex de la Iglesia, Enrique Urbizu edo Pablo Berger zuzendari bilbotarren lehenengo lanetan. Telebistan, azken urteetako telesail askotan ere hartu du parte, eta Espainiako Antzerki Sari Nazionala jaso zuen orain dela hiru urte.

Sarrerak Azkuna Zentroko Info Puntuan eta Bidebarrieta Kulturguneko webgunearen bitartez eskura daitezke 12 euroan (10 euro Azkuna Zentroko bazkideentzat).