Bizkaiko kostaldetik ezkerraldera korrika

Atzo elurretan ibili ostean, gaur Bizkaiko kostaldean ikusi du argia lekukoak, eta Bakion sartu da zortzi eta erdiak aldera. Uribe Butroe eskualdeko udal eta ikastetxe guztiek erosi dituzte kilometroak, baita hainbat eta hainbat elkartek eta alderdik ere.

Mungiatik igarota, kostaldera jo dute berriro korrikalariak, Uribe ... Kostara, hain zuzen. Besteak beste, kilometro hunkigarria izango da 1267.a (Erromo), AEK-ko irakasle Lourdes Darpont Artetxe eta Korrikaren sortzaile Joseba Kanporen omenezko kilometroa izango baita. Eta Korrika askotan gertatu den moduan, 19.ean ere itsasadarra zeharkatuko du lekukoak Lutxana parean: 1284. kilometroan Erandioko arraun taldekoek La Iberiakoei pasatu diete lekukoa.