Txinako ordezkaritza Bilboko eraldaketa prozesua ezagutzera etorri da

Sichuan probintzia txinatarreko hiriburua den eta 14 milioi biztanle baino gehiago dituen Chengdu hiriko 15 kargu politikok osatutako ordezkaritza bat Bilbon dago, hiriak azken 30 urteetan izan duen eraldaketaren berri izateko. Ordezkaritza txinatarrak bertatik bertara ezagutu nahi ditu prozesu horretan zehar egondako gakoak eta indarguneak eta sortutako zailtasunak.

Bilbo gaur egun Chengdu hirian egiten ari diren eraldaketaren erreferentziazko eredu izan dadin, Txinako ordezkaritzako kideak Asier Abaunza Hiri Plangintzako zinegotziarekin bildu ziren atzo. Bizkaiko hiriburuaren azken hiru hamarkadetako garapenari buruzko informazioa osatzeko, Chengdu hiriko 15 kargu politikoek Bilboko Itsasadarreko Itsas Museoa ere bisitatu zuten.