Rementeriak Txorierriko Baserri Antzokiaren lehen harria jarri du

Unai Rementeria Bizkaiko Ahaldun Nagusiak parte hartu du Txorierriko Baserri Antzokiaren lehen harria jartzeko ekitaldian, Derion. Bertan, Bizkaiko Foru Aldundiak euskara eta euskal kultura sustatzeko duen konpromisoa berretsi du.

Proiektu honen helburu nagusia kultura-ekitaldiak eta aisialdikoak antolatzea da; hauen bidez, euskal hizkuntza eta kultura sustatzeko. Horrez gain, haraneko biztanleentzat eta bisitarientzat topaleku gisa erabiliko da, inguruko enpresei zerbitzuak eskeini dielarik.

Baserri Antzokia kafe antzokien esparruaren barruan ulertu behar da, hau da, kultura eta aisialdia sustatzeko gune gisa. Txorierrin, eskualdeko historiari lotutako eraikin batean pentsatu da: baserri bat. Hauek dira proiektu honen sustatzaileak: Totoan, Txorierriko Euskara Elkarteek Federazioa, eta Txorierriko Zerbitzuen Mankomunitatea, Sondika, Loiu, Derio, Zamudio, Lezama eta Larrabetzuko udalek osatua.