Zinema kalera ateratzen denean

"Hilabete hauek dira garairik onena kultura kalera ateratzeko, jarduerak auzoetara zabaltzeko eta ostalaritza ere inplikatzeko. Aukeratu diren sei filmek berme osoa dute, zinema onenaz gozatzeko gogoa besterik ez da behar, eta eguraldiak laguntzea, jakina", adierazi du Kultura, Hezkuntza eta Kirol zinegotzi Iñaki Prusillak.

Hauexek dira 'Udako zinema' programaren barruko gainerako filmak: 'Billy Ellio', uztailaren 3an, Alfontso XI.aren kalean (Lakua-Arriaga); 'Dixie eta matxinada zonbia', uztailaren 10ean, Gurutze Gorriaren ibilbidearen eta Zabalgana hiribidearen artean (Zabalgana); 'El club de los poetas muertos', uztailaren 17an, Estrasburgo ibilbideko oinezkoentzako eremuan (Salburua), 'La gran familia española', abuztuaren 21ean, San Martineko parkean, eta 'Tomates verdes fritos' , abuztuaren 28an, Nieves Cano eta Alberto Schommer kaleen artean (San Kristobal). Proiekzio guztiak 22:00etan hasiko dira, uztailaren 10ekoa izan ezik, 21:00etan hasiko baita hori.

Euskadiko Kutxak, Eroskik eta Gasteiz Onek lagunduko dute ekimena aurrera ateratzen, eta proiekzioa bakoitzean 200 aulki jarriko dira. Ogitartekoa eta freskagarria eskaintzen duten inguruko tabernak bereizgarri batez identifikatutako dira.