Badator Korrika Txikia

Korrika Txikiak "euskararen aldeko mezua" zabalduko du martxoaren 26an, ostegunean. "Hainbat helburu ditu jai honek. Euskarari indarra ematea, jendea kontzientziatzea, Gasteizko haurrak euskararen alde gaudela adieraztea eta Korrika 19ri ongi etorria ematea", esan dute antolatzaileek.

Lasterketa 'mini' hau Gaztelako atean hasiko da arratsaldeko hiruretan. Ariznabarra, ... San Martin, Txagorritxu, eta Lakua auzoak zeharkatu ondoren, El Pilar eta Zaramaga auzoetan sartuko da. Ondoren Aranbizkarran zehar jarraituko du, Santa Luzia auzoa zeharkatu, eta zentrora abiatuko da , Plaza Berrian bukatzeko. Bertan, gainera, jai bat egingo dute.