Etxeko kontuak, eszenan aztergai

Gasteizko Principal Antzokiak 'Tamaño familiar' antzezlana izango du ikusgai gaur, arratsaldeko 20.30etatik aurrera. Llum Barrera, Alfonso Lara, Camila Viyuela eta Federico Aguado aktore komiko ezagunekin, Quino Faleroren lan "ausart" honek ordu t'erdiko iraupena du. 18, 12 eta 10 eurotan salgai daude sarrerak.

" ... Zazpi egileren begiradetatik abiatuta, ibilbide bat egingo du emanaldiak hainbat egoera eta familia mota aztertuz", dio Falerok berak. "Egile bakoitzak familia eredu bat eta familiako egoera bat aukeratu ditu gizarte honetan familiarekin harremanak izateko dugun modua, batzuetan zentzugabea, batzuetan ezohikoa eta beti oso komikoa den modu hori azaltzeko".