Iñaki Cerrajeriaren marrazki erakusketa eta argazki lehiaketa, IGIren 20. urteurrenean

Jardueren artean bi nabarmendu ditu Garmendiak: 20 urte ingurumena ilustratzen erakusketa, eta Natura Gasteizko udalerriangaitzak duen argazki lehiaketa.

ELCORREOko margolari eta ilustratzaile

Erakusketa Iñaki Cerrajería ELCORREOko margolari eta ilustratzaile gasteiztarraren komiki zinten bilduma da, eta azken 20 urteetan Gasteizko udalerrian ingurumenarekin lotuta izandako gertaera nabarmengarrienak gogoratzeko bide emango digu. Atarian jarriko du ikusgai, udan. 2005ean IGIren hamargarren urteurrena ospatzeko Olarizuko etxaldean jarritako antzeko erakusketa baten jarraipena da.

Natura Gasteizko udalerrian gaitzat duen argazki lehiaketak, berriz, Gasteizko udalerriko paisaiak eta natur ondarearen balioak ezagutarazi eta zabaltzeko xedea du. Epaimahaiaren erabakia urrian jakinaraziko da, eta lanak Atarian jarriko dira ikusgai, abendu erdialdera arte.

Nolanahi ere, IGIk urte osoan antolatzen dituen jarduera guztiek izango dute ospakizun kutsu hori, ahalegin berezia egin baitugu, azaldu du Garmendiak udaberriko programazioa aurkezterakoan.

Inoizko jarduera proposamen handiena bildu du IGIk agenda honetan. Guztira 42 jarduera eta 54 ekitaldi dira, hau da, batez beste ingurumenarekin lotutako ia 5 jarduera astean. Zehazki, 3 erakusketa, 9 ikastaro, 11 hitzaldi, familientzako 11 jarduera, 6 natur ibilbide eta Etxe Berdeak proiektuarekin lotutako 2 ekitaldi izango dira, iragarri du.

Orobat, herritarren parte-hartze zuzena eskatzen duten jarduerei bultzada berezia emango zaie. Besteak beste, hiri baratzeak eta Herritarren Zientzian Parte Hartzeko Sarea.

Hiri baratzeei dagokienez, baratzezaintza ikastaroetan 120 leku eskainiko dira, hots, orain arteko kopururik handiena.

Herritarren Zientzian Parte Hartzeko Sareak, berriz, oso harrera ona izan du sortu zenetik, eta hirugarren urtea beteko du. 2014an, ia berrogeita hamar herritarrek lagundu zuten landa-azterketa erabakigarrietarako datuak biltzen eta, horrenbestez, inguruneko biodibertsitateari buruzko ezagutza handitzen eta hura kontserbatzen, aipatu du Garmendiak.

Orkideen, hiri hegaztien eta odonatuen kontserbazio programez gain, 2015ean tximeleten kontserbazio programa jarriko da abian. Bestetik, aurten hiru jarraipen programa sortuko dira, hainbat espezieren inbentario kartografiatua osatzeko asmoz: 2 hegaztirena (mika eta enara azpizuria) eta 10 espezie exotiko inbaditzailerena (5 animalia eta 5 landare).

Orobat, Gasteizek Globe at nightnazioarteko programan hartuko du parte, zeina Argiaren Nazioarteko Urtearekin lotuta sortu baita: gure zeruan ikus daitezkeen izarrak zenbatuko dira, argi kutsadura zehazteko.

Idoia Garmendiak IGIren 20 urteko ibilbidean lortutakoaren balantzea egiteko baliatu du agerraldia. Bereziki nabarmendu nahi izan du Gasteizko biodibertsitatearen ikurra, Eraztun Berdea, 2012az geroztik guztiz josten ari garena. Izan ere, 2012ko neguaz geroztik, 185.000 zuhaitz eta zuhaixka baino gehiago landatu ditugu Eraztun Berdeko 60 lekutan. 7.500 pertsonaren parte hartzeari esker lortu dugu, bai eta hainbat arlotako hogei enpresa eta erakunderi esker ere.

Eta jarraitu du: Ez ditugu ahaztu behar IGIk gidatutako mugikortasun politikak, hiria nazioartean erreferentziazko bihurtu baitute, edo ikasleentzako prestakuntza programak.

Etorkizuna Eraztun Berdearen eskutik etorriko da, XX. mendeko ingurumen proiektu handitik, XXI. mendean azpiegitura berde gisa duen funtzioa sendotu eta indartuko baitu. Izan ere, natur espazio berdeen sistema bat osatzen ari gara, elkarren artean konektaturik, funtzio eta zerbitzu ekosistemiko ugari garatzeko gai izan daitezen. Azpiegitura berdearen sistema osatzeko bidean, Eraztun Berdea sare berde baten antzera hedatzen hasi da, barrurantz eta kanporantz, hirirantz eta lurralderantz, amaitu du Garmendiak.